Jowai: Ynne i step heipor kamwa 7:30 u Khmihbha Lytan ya uwa khut maya kam u Khmih namo u Makhian da khlaad synet u ha i yung wa sah u.
U Khmih toh u khon ka Aibun Lytan wa u (tynde) Shonshil Suchiang wei i chnong tre yong oo toh na Barato, West Jaiñtia Hills wei da kha da heh u ha Mission Compound, Jowai.
Ya u Khmih da kha ha ka 30 Naiynñiaw 1983 wei da ieh u chadien ya ka kurim u, ka Patricia Pohleng wa ar ngut ki khon kynthai.
U Khmih nachwa jooh lai puræ u ha Kiang Nangbah Government College ha ki snem 2003-2007 wei jooh ksohkaam u leh ha ka Student Union yong kani ka thaw puræ.
Ya i metyap u Khmih da pynthiah ha yung yong oo ha Mission Compound, Jowai.
Da pyntip wa u tlep ya u Khmih toh mynstep ka 1 Naiynñiaw heipor 2:00 waje i sngi ha Loomtlepbru ka Balang Presbyterian Jowai, wa em ha Chutwakhu.
Discussion about this post