Ampati: Ka “Mission Unite – You ‘N’ I towards Enrolment” da sdang ya ka sa ha South West Garo Hills District ha ka yalang wa pynman ha Ampati ynnin ka sngi hei emlang u Deputy Commissioner u Cyril Diengdoh, Superintendent of Police Bobby W. Momin, ki heh sorkar wa kiwa thap vote.
Kam wow pynkynmoo, ka Election Commission ka ri India da sdang ko ha waroh ka ri ya ka Special Enrolment Drive ka wow thooh ya kiwa da dap 18 snem ki wympu em pyrtuid ha ka Electoral Roll kamjooh ki wympu em EPIC ka wow pynkut ha ka 31 tarik uni u bnai.
U DC hei klam yong oo da ong u wa ka Election Commission ka ri da krehlang ko leh wa ka Facebook yow chem ya kini ki wympu em vote wei hapoh ka district em kamwa 2161 ki wympu em vote iwa duna bha lada wyrchaw wa kiwi ki jylla, katwa ha waroh ka jylla da em kamwa chi lak ki wympu em vote.
Da ong u leh wa kmen u yoo wa ha ki Election MP, MLA napoh ka district boon ki bru wa mih cha khmat wow thap iwa pynyoo wa ki paidbah sñiawthooh ki yei kordor ka vote yong ki.
Da pyllait leh ha kani ka sngi ya ka kot khian wow saam paidbah yow sñiawthooh ki chaphang ka Mission Unite.
Discussion about this post