E buit e mynsien u Modi ya ki sahep IAS wa thymme wa emkam u man ki kiwa chlur

U Montri Rangbah ka ri u Narendra Modi, ynne ka sngi heipor wa e klam u ya ki IAS wa dang thymme kiwa dang khynroo da ong u wa haap yait ki nei rukom pyrkhat wow pyrchah wow wanrah yei kylla wei wow pyrkhat ki yei mynsien thymme yow wanrah ya ka ‘New India’.

Yeini da klam u ha ka yalang ki sahep IAS yong ka 2015 Batch kawa tip leh kam ka “Inaugural Session of Assistant Secretaries”  heiwa Modi u da ong u waka ri India ym em lai ko cha khmat kamwa toh u lai ko.

Da ong u leh kiwi ki ri wa yoh laitlooid hadien ka India da poi ki cha ka thong wa jngai kiwa duna bha kiwa boon ki liang hawa wyrchaw wa ka India katwa kamtæ ki IAS toh u man ki kiwa chlur yow pynya tylli ya ki piadbah ymtoh u tympiah ki ki.

Chooh chooh da ong u wa ka programme wa le bnai ya ka kyrdan Assistant Secretary da poi ko cha ka snem wa le wei da toh u mihsoh ko. Da pteiñ u leh deiwa ong wa kiwa dang thymme ha kani ka kaam toh u sñiaw laitlooid ki u yaklam wa kiwa heh yong ki khnang wow yoh buit yoh budia ki hei wow wanrah yei kylla hapoh ka ri waroh kawi.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Modi da pynkynmoo u leh ya kiwa em ha kani ka yalang wow man ki kiwa minot nadooh i por wa pynkhreh ki ya ka UPSC neitæ u chah jied ki hadooh wa dep ki u chah hikai ki, ymtoh wow mylliñ ki kam i kaamram wow chakri ya u paidbah.