Jowai: U Senior Manager, ka Meghalaya Rural Bank, Rymbai Branch da ujor u ha ka step ka 3 tarik uni u bnai kiwa kreh kani ka Bank da chem ki wa da chah tooh 3 tylli ki Computer Monitor, 3 tylli ki CPU, 3 tylli ki Keyboard naka bank wa chongdor T. 1,50,000.
Ha ka 2 tarik uni u bnai won u Barlin Pariong da ujor u wa da yoh phone u na uwi u bru wa kam wa oo toh uwa kreh waka Company ATM wei da kylli bniah u chaphang ka ATM Card yong u Pariong wei hadien da yoh SMS u wa da chah sai T. 9,525 na ka Bank Account u.
Ka Dr. Lana E Lyngdoh Nongbri, Sr. Dental Surgeon, Civil Hospital, Shillong da ujor ko wa em wa psiah cha ka Dental Room wa 7 deiwa tympiah ya u tylla kamjooh da tympiah ya ka Godrej Almirah wa em hapoh kani ka kamra.
Ha ka step ka chi tarik uni u bnai i yung ka Mithu Sinha Choudhry wa em ha Bishnupur, Shillong da chah tooh i wei ki mar wa chah rah da poi ki T. 1,80,000.
U Ashraf Ali won da ujor u wa ha ka chi tarik uni u bnai heipor 9 waje i miet arngut ki bru wa tip kam u Rohit Marak wa u Leon Marak da rahbor ki ya u diah u uwa tip kam u Ajgar Ali uwa tyrwa dakha na iwi i yung cha iwi. U diah u manda poi u ha iwi i yung ka Prejita Marakda yoo u wa kini ki arngut da jrong kti ki ka wei u diah u da pyrchang u wow pyllait ya ka na kini ki bru wei ha ka 2 tarik da chem yei met yap u diah u na iwi i khloo wa em ha Rangmagre.
Hei yatoh won wa ki arngut ki chi paiu wa dang 8 snem wa 5 snem wa yap ha Khliehrangnah Shangpung ki khon u Lostar wa ka Bukli S Passah, u Waheh Chong u Wanbok Sutnga da ujor u ha ki pulit wa ya kini ki khynnah da suba wa chah tynyap ki.
Discussion about this post