Ka yakhun Election kam ka President ka ri toh i kwah ki paidbah: Meira Kumar

Shillong: Ka kyrtong yong ka United Progressive Alliance (UPA) wow yakhun ya ka chuki President ka Ri, ka Meira Kumar kawa man leh kam ka Speaker warim ha ka yung dorbar Parliament, ynne ka sngi da wan ko ha jylla wow paan yei kyrchaan na kiwa mihkhmat ka jylla.

Ka jylla Meghalaya man ko ka jylla wa nyngkong ha ka thaiñ mihsngi wa kani ka kyrtong ka UPA wan yoohkjat ko.

Ya ka Meira da mynjur wow pynman kyrtong da ki 17 tylli ki seiñ saiñpyrthei kiwa em ha ka Ri India (National Party) kiwa man leh kam ka liang pyrchah hapoh ka Parliament.

Ka Meira Kumar da wan ko ha ka nongbah Shillong ynne ka sngi wei da pynman ya ka yalang wow paan yei kyrchaan na ki MLA ka jylla yeiwa da pynman ha ka Annexed Hall ka yung dorbar chna aiñ ka jylla wa em ha Rilbong, Shillong.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hawa yaklam wa ki MLA ha kani ka yalang, ka Meira da ong ko wa i daw wa pynman ya ka wow yieñ ko kam ka kyrtong toh wow pyrchah ya ka sorkar NDA.

Da beiñ joor ko ya ka sorkar NDA wa yah da ka BJP wa u Montri Rangbahdooh, u Narendra Modi deiwa ong wa da ktah ko ya i laitlooid ki paidbah.

Hawa yaklam wa kiwa pathai khubor hadien kani ka yalang da pynsñiaw ko yei kyrmen wa skem wow man ko kawa jop ha kani ka kynti.

Ha kani ka yalang da em leh kiwa yahkhmat ka liang pyrchah ka yung dorbar chna aiñ ka jylla u Dr. Donkupar Roy wa ki kattu katni ngut MLA ka UDP tangwa neiliang ka HSPDP, NPP won ym em u wan ki.

Ki MLA ka UDP da poi ki ha ka tai ka yalap election President ka UPA wa kynthup ya u President u Dr. Donkupar Roy, u Dr. Jemino Mawthoh wa u Tituswell Chyne.

Ya ka Meira da synran da u CP Joshi uwa man kam u General Secretary wa pait ya ka Meghalaya, u Pawan Bansal uwa man leh u montri warim ka sorkar UPA.