Da sdang ka Shillong International Photo Festival 2015

Shillong : Ka Shillong International Photo Festival 2015, kawa man ka sien wa nyngkong kawa man ka ya pynyoo dur wa da pynman da ka St Anthony’s College, Mass Media Department hei yakrehlang chirup wa ka Information and Public Relations Department, ka sorkar jylla da wai paidbah ya ka ynne, da u Montri Rangbah ka jylla u Dr Mukul M Sangma ha St Anthony’s College, Shillong. Kani ka pynyoo dur kawa soo sngi daw kut ko ha ka 19 Khonchonglad 2015.

Kani ka pynyoo dur kawa da pynchong phang “Light” ya tyngkhooh ko wei dap 20 snem ka Mass Media Department ka kolej ya kawa da sdang nadooh u snem 1995. Kani ka pynyoo dur man ko ka wow wanrah ya ki nongchondur chirup hapoh kawi ka thaw.

U Dr Mukul Sangma hei klam ha kani ka sngi da yaroh u ya kani ka tnat Mass Media wa da dap ko 20 snem i chakri wow pynmih ya ki khynnah wow pliah ki ha ki kaam Media.

U Montri ka Information & Public Relations, u ma A L Hek da pynsiaw u yei kmen i ka-it mynsien ka sorkar wow yakrehlang chirup ha kam kini ki sngi. Da ong u leh wa na i liang yong oo da ong u leh wa ki dur ye ki u batai chiboon bar ya ki kyntien wa thoh dei thoh.

Related posts

Da ka Mahindra Thar ROXX u pynkhle ka Dong Pyrdi Shnong Cultural Club, Tuber Kmaishnong

November 22, 2024

Da khut ya ki wow chimbynta ha ka Miss Latyrke 2025

November 22, 2024

Kiwi kiwa da klam ha kani ka sngi kynthup ki ya u Manuel Vason, u Raghu Rai u Fr John D Jayakumar wa kiwi kiwi.

Ka kong D. Junisha Khongwir, kawa man leh kam ka Coordinator yong kani ka Shillong International Photo Festival thmu ko u pynsniawthooh wa wa i kaam chondur ym man i du wow pynwyrngia tangwa ye ko leh u man kam i wow ye u e khih e kreh. Chooh chooh da ong ko leh wa kani ka pynyoo dur man ko kam wow yarap pynsniawthooh yei mut wa ya ki parom na ki dur.

Ya ki kyntien pdiang burom da yoh na u Fr Dr Joby Joseph Vice Principal, St Anthony’s College katwa u Fr. Sagi Stephen, Rector, da e u i ngooh i dem chwa wow sdang kani ka yalang.

Ynne ka sngi da pyllait paidbah leh ya ja kot Festival Booklet wei da pynkup burom leh ya kiwa jop ha ka yapyllah chondur.

Ha kini ki soo sngi daw em leh ki e sikai hajrong ki phang Photojournalism, Visual Story Telling, Wildlife Photography, Landscape wa ka Travel Photography ki wow chim bynta da ki nongchondur wa da bna naam.