Rai ki seiñbhalang u ujor cha ka National Human Rights Commission

Related posts

Da chna ya ka Committee wow pynsuk u yohbor yow tih moo tih chyiap

November 22, 2024

Lai bait ki kreh kam chibynta ka Shillong Smart City kiwa dapoi palat Rs. 300 klur

November 22, 2024

Jowai : I e por ki 13 tylli ki seiñbhalang ya ka sorkar wow pyndam ko ya ka FIR pyrchah ya ki seiñbhalang wa ki khynnah ka KNGCSU da kut i weiwa  neiliang ki bor sorkar hadooh ynne ka sngi ym pu em u pyndam ki ya kini ki FIR.

Ynne kini ki nongyalam kini ki seiñ da yachem sop sop ki ha iwi i thaw hei wa da yaklam da pyrkhat ki hei yatoh wa kammon u leh neini chaphrang hei yatoh wa i dawa ki khynnah puræ ka Kiang Nangbah Government College wa kiwi ki dawa yong kini ki seiñ.

Ha kani ka yalang wa da man ynne ka janmiet chisur da rai ki wow ujor noh cha ka National Human Rights Commission pyrchah yei leh ki bor Distrik wa ki bor pulit ya ki khynnah puræ ka KNGC ha kani ka 10 tarik wa dep.

Heijooh i por ki seiñbhalang daw yachem ki leh wa ka Home Minister ka kong Roshan Warjri hei yatoh wa i dawa kini ki seiñ kiwa kynthup:

1. Ka sorkar u e noh ko ya ki dawa ki khynnah ka KNGC.
2. Wow transfer ya u DC, u Arunkumar Kembhavi wa ya u Addl. SP u ma
   Shemphang Syrti na kani ka Distrik hapoh 15 sngi.
3. Wow su bailutsan cha kiwa mynsoo ha ini wa jia ha ka 10 tarik
4. Wow pyndam noh ya ka FIR khlem kyndon pyrchah ki khynnah puræ la KNGC wa
   ki seiñbhalang hapoh 24 kynta.

Katkam wa man kattæ ki nongyalam seiñ da pyntip ki wa ki pulit dang kdong ki ya ki nongyalam seiñ weiwa ki kyndon kiwa da pyngat ya kikynthup ki ya ki section 143/145/147/149/151/152/427 yong ka Indian Penal Code wa ka Section 8 yong ka MMPO Act.