Shillong: Hadien wa le sien wa pynmih result ka NIOS ya ka kiwa sikai kiwa yaleh ya ka D.El.Ed exam heiwa pyn le sien da em bait i bakla kattæ won syndet syndet da pynkylla ki yei dor i bai exam naka T. 300 cha ka T. 370 ka wi ka subject.
U President ka Meghalaya SSA Schools Association (MSSASA) Central Body u Aristotle C Rymbai da ong u wa kani ka bai exam toh kawa daw pynman ha Naichiphaw-Khongchonglad 2017 wei nyngkong da pynbna wa haap su kiwa yaleh exam T. 300 lyngba ka Demand Draft wei boon na kiwa sikai da dep leh ki yeini tangwa da pynkylla won ya kani cha ka T. 370 iwa mut kiwa da dep chna ya ka Demand Draft da haap chna biang ki da kawi wei da em leh kiwa da dep wow su.
Ini da pynlut ko ya kiwa sikai ar chah wei pynyoo leh yei rukom krehkaam ka NIOS i wym em kitkhlieh wei kiyi wow bahkhlieh yeini i lutsan.
Chooh chooh da ong u wa ini pynyoo wa ka NIOS ym kwah ko wow e ya hikai wa biang kwah ko du wow chna poisa donhi wei wow pynchitom ya kiwa sikai SSA, Ad-hoc, Deficit wa kiwa sikai ha ki skur sorkar.
Discussion about this post