Ha ka 14 tarik phah hajir ka MSCW ka jylla ya u Secretary ka Delhi Golf Club

Shillong: Ka Meghalaya State Commission for Women (MSCW) da phah hajir ko ya u Secretary ka Delhi Golf Club ha ka 14 tarik uni u bnai wow wan jubab u ha yung krehkaam ka Commission ha Shillong hajrong i chah beh ka Tailin Lyngdoh na i thaw baam ko du neidaw wa sap ko da ka “Jainsem”.

Ka chairperson yong ka MSCW, ka Theilin Phanbuh da ko wa neiliang ka Commission da phah dorkhat ko cha ka National Scheduled Caste and Scheduled Tribe Commission wow pynchitom ya kiwa pyllai ya ka Delhi Golf Club.

Ka Tailin Lyngdoh da chah beh ko na i thaw baam kani ka club ha ka 25 Naiynru ha Delhi.

Katkam i ong ka Phanbuh boon ki khep wa ki bru na ki thaiñ mihsngi yachem moochynthut ki wei chah yoobeiñ ki hawa em ki ha ki sorbah wa kiwi ki thaw.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

“U yakhun i wow pyntikna wa kiwa emkti u chah pynchitom ki deiwa eh khnang wa i yookynchiñ jaitbru ym jia de i khamtam ya ki bru na ka thaiñ mihsngi”, da ong ka Chairperson.

Ka Tailin Lyngdoh da khana ko wa iwa jia ya ka man i iwym jooh jia wei iwa da ktah joor bha ya ka.

Ka Nivedita Borthakur kawa man ka tre yung wa chong sah ka Tailin, da ong ko wa ka Delhi Golf Club ympu em u paanmaap neibhah da e ko du dei thoh cha ki kotkhubor wow paanmaap wei da kyntait ko leh yeiwow kular takit kani ka Club kawa khlem yurim.

“Kammon u takit ka Club kawa da chah pynbaad ha kani ka kaam, wei ini man i i wym ye u pdiang” da ong ka Borthakur.

Also Read: Hapoh 7 sngi phah jubab ka NCST ya ka Delhi Golf Club wa beh ya ka Tailin Lyngdoh