Jowai: Ynne ka Mulong 11 tarik hadien wa ki waheh wasian chirup wa ki khon ka Raij da pyndep ya ka Kñia Aitnar waroh ki Kmai Raij da mih wow lai lithooh ki ya ki Dieñkhlam wei wow pynpoi ya ki Dieñkhlam ha Iawmusiang.
Chirup wa ki sur wa mih naki bom bhuri, bikur wa ki chæng-chæng ki khynnah wa waheh da mih ki na jar jiar ki yung da i chaad wa i kyriaw yow lai lithooh ya ki Deñkhlam.
Manda poi ha i thaw wa chong ka Dieñkhlam da pyndep ya ka suit ka choor wow engooh ya ki Blai wow paan yei kyrkhu kyrdoh hachwa wow rah ya ki Dieñkhlam.
Ha ini i lai lithooh ya ki Dieñkhlam katwa dang yang yow pteiñ ya ka Dieñkhlam wa i kyndit kiwa lai thooh dieñkhlam da ya baam ja song ki iwa da pynkhreh na jar jiar i yung yong ki wei da yabaam yonglang khlem i sñiaw yaphær na u khynnah næ waheh u mahajon næ uwa dooh.
Manda dep baamja sngi wei da pyndep u pteiñ ya ki Dieñkhlam da rah ya ki cha Iawmusiang da jar jiar ki chnong wa kynthup ya ka Tpeppale, Dulong, Panaliar, Loomiongkjam, Iongpiah, Loomkyrwiang katwa ka Chilliangraij (Khonraij) da rah ki ya ka Khnong Blai.
Hadien wa da poi lut ki Dieñkhlam ha Iawmusiang ki Khonraij da lai thooh ki ya ka Khnong Blai ya kawa da pynchong chipor ha Poh Sawiar (hajan ka JHADC) wei da rah ya ka cha Loom Sooiung (Hajan Marian Hills HSS).
Hadien ini ki Kmai Raij da liwan ki chirup na kawi ka luti cha ki dong ki chnong yong ki.
Discussion about this post