Shillong: Ha ka khubor wa da phah da u General Secretary ka HYC u Robertjune Kharjahrin da ong u wa hadooh katni ympu em kawi wot leh ka mukotduma wa da pynchongnongrim katkam ki kyndon yong kani ka aiñ. Ka sorkar Meghalaya da pyrchang ko wow pynkylla ya kani ka aiñ deiwa wanrah ya ka “Meghalya Prohibition of Benami Transaction (Amedment) Act, 2016” wei katni thmu ko wow wanrah sa ya ka Rules hajrong kani ka aiñ.
Ka seiñ da ong ko wa hei sñiaw yong ka wat kani ka Amendment Act, 2016 leh man ko ka aiñ kawa khlem lamieñ kawa ym krehkaam.
Ka HYC, dei thmu wow pynwiarjait ya ka Benami Transaction lyngba ka dorkhat wa da phah cha u Mukul Sangma, cha ki Montri sorkar, ki MLA wa ki seiñ saiñ pyrthei da dawa wow pynkhlan chooh chooh ya kani ka aiñ deiwa pynpsiah ya ki kyndon wa da dawa ko.
Katkam ka HYC, ki kyndon kiwa dang emkaam wow pynpsiah ha ka ‘Meghalya Prohibition of Benami Transaction (Amedment) Act, 2016’ khnang wow khlan ko toh neibynta i kyntien ‘Tribal’ ha ka Section 2 (d) da toh u pyndam noh wow thap da i kyntien ‘Meghalaya Indigenous Tribe’ ( Khasi- Jaiñtia & Garo Tribe).
“I em ka ‘Special Committee’ wa ka ‘Authority’ ha ka Section 4 da toh u bichaar bniah biang sa chisien, neibhah kani man ko wow pynyinsur yei por wow ujor wei wow bichaar ki yung kasari hajrong ki kaam Benami.
Ya ka kyndon wow pynchitom ha ka Section 7 da toh u pynkylla neibhah i kaam benami toh ya ki bru kiwa hehspah. I daiñ kuna wa du T. 20,000 man i iwa dang duna ware.
Da toh wow pynman ya ka Benami Transaction kam ka ‘Non-Bailable Offence’.
I kaamram wow pynsakhiat (Burden of Proof) dang chong i ha kiwa ujor næ ha ka ‘Prosecution’. Ka Benami Transaction to hi kaam iwa murieh wei man i iwa eh wow pynsakhiat yeini neibhah daw man i iwa eh wat ya ki pulit wow pynsakhiat yei rukom man tre ki bru kiwa pynchah pyrtuid.
Discussion about this post