Da ki hajar ki rong ki wa wan pynthaba
Hapoh i mynsien wa pisa langng’a.
Aa!! ka juk thymme ma-ai kani?
Ka wa wan psiah hapoh mynsien yong u wi pa kawi.
A juk thymme wa yoo ma katni,
Boon ki wa chah pynbiej ha ki rong phong chi sngi.
Sa i akor i burom da jngai ki na yung na sem,
Kam i por u warim nachwa tæ da eh u chem.
I ktien i klam da phær lut ki,
Da sdang ki u mylliñ yei yong i dahi.
I leh ma-ai wa jia kamni?
Wym em de u ya kheiñ kor ki khon ka ri.
Sa i lai i wan da sdang yoo ma u pait,
A, khamtam ki khyllood boon i doh wa da mih cha lait.
Haap ya syndong bha phi mo khon khynroo khyllood yeini,
Yow lait phi u pynjah burom ya ka ri.
Discussion about this post