Wym mano ka sorkar yei dawa ka HYC, u sdang noh da ka “Save Hynniewtrep Land Mission”

Shillong: Ka Hynniewtrep Youth Council (HYC) ynne ka sngi da pynbna ko ki kaam yakhih ha waroh ki Constituency MLA wa kyrchaan ya ka sorkar Congress kam ka dak wow pyrchah yei wym mano ka sorkar ya ki 14 tylli ki phang wa dawa ka seiñ wa kynthup leh wow pynkrehkaam ya ka ILP.

Ka HYC da ong ko wa da e pyrtuid ya kani ka yakhih kam ka “Save Hynniewtrep Land Mission” ka yakhih neibynta ki paidbah.

Ha kani ka tayaw ka seiñ da dep ko leh wow pynman ya ka wah lama rong yong kamjooh leh wow pyndaiñ lama rong yong kam ka dak wa sdang i yakhih yongka.

Ya ka yakhih wa daw sdang u pynkrehkaam da ki Circle wa ki Unit waphær waphær wei ka yakhih daw poi ko leh chadooh ki yung thaw sah ki MLA ka sorkar MUA-II. Ya ki tarik wow sdang ka yakhih daw pynbna wei ym pynman ya ka ha ri-loom Garo.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Ka seiñ leh ong ko wa da dep pynkhreh ko ya ki kot ki sla wow saam paidbah yow sñiawthooh ki ya ki aiñ wow yada ya ka jaitbru, wei lada ki baarjylla dang pteiñ ki u yoh laad kamwa man katni daw piah daw pra ka jaitbru.

Ka seiñ leh da ong biang ko wa ym pdiang ko ya ka aiñ Meghalaya Resident Security and Safety Act, 2016, neibhah kani ka aiñ toh kawa khlem bor.

Ka seiñ da ong ko leh wa lada em wa ong wa ka ILP daw ktah ko yei wan kiwa uiñke suwari i leh won ha ka jylla Sikkim kawa em ya ki aiñ wow pait yei psiah i mih ka baarjylla tam ko ya ka jylla Meghalaya 300 chah yei wan kiwa uiñke suwari.

Also Read: Pynwan dur ka HYC ya u Dr. Mukul wow man kam i jhep neidaw ki kaam yong oo