Phah chong pyrkhat biang ka NGT hei yatoh wa i tih mar pohkhyndaw hapoh ki Scheduled Area

Ka tih ya u mar poh khyndaw wa tip kam u Bauxite hapoh ki Scheduled Area namo ki thaw wa chong ki bru ri-loom ha Visakhapatnam, Andhra Pradesh da chah bichaar ko ha ka National Green Tribunal heiwa da phah chong pyrkhat biang ya i rukom e bor (Environmental Clearance & Mining Lease) wow tih ya uni u mar pohkhyndaw da ka Andhra Pradesh Mineral Development Corporation kamwa 10 snem nachwa ha Jerrela Block hajan Chintapalle.

Ka sorkar ka Andhra Pradesh leh da pyndam ko ya ka soskular (MoU) wa da soi wa ka Anrak Aluminium Limited kawa krehlang wa ka Ras-Al-Khaimah Investment Authority (RAKIA) deilang wa ka Penna Group wow pynpoi ya uni u Bauxite cha ka karkhana wa em ha Makavarapalem kawa jngai kamwa 100 Km na i thaw tih.

Ka NGT da pynmih ko ya kani ka hukum hadien wa ka RAKIA da ujor mukotduma ko wow su noh yeiwa dooh nong ko pyrchah ya ka sorkar India wa dooh nong ko hadooh US $44.71 million.

Katkam ka soskular ka sorkar ka Andhra Pradesh ha u Thohlakhmi (February) 2007 da mynjur ko wow pynpoi 224 million tonne na Jerrela Block.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ka mukotduma leh da em wa booh na ka seiñ Samata wa i rukom pynman ya ka Public Hearing toh hapyrdi i em ki pulit wa ym em i laitlooid ki paidbah u lai u wan ki katwa kwah ki ha Chintapalle ha u Naichiphaw (October) 2008.

Kamtæ ka NGT da ong ko wa neidaw wa ym em pynkrehkaam ya ka tih ya u mar pohkhyndaw hadooh katni leh emkaam wow pyndooh ka sorkar ka Andhra Pradesh ya ka soskular wa ka Anarak.

Ka hukum leh da ong ko wa ka tnat Ministry of Environment and Forest haap phyllu yumut ko wa kiwa e mukotduma kiwa pyrchah wow tih Bauxsite chwa wow lai ki cha khmat.

(Feature Image-Representational)