Shillong: Ka 119 Infantry Battalion (Territorial Army) ASSAM daw pynman ko ya ka Rally neibynta ki bru na thaiñ mihsngi, West Bengal wa ka Andaman and Nicobar Island neibynta i kreh Soldier General Duty wa Clerk Staff Duty.
Kani ka Rally neibynta ka Manipur, Mizoram wa Meghalaya daw pynman ha ka 04 tarik uni u bnai nadooh 6:00 waje i step ha Kench’s Trace, Shillong.
Neibynta i kreh Soldier (GD), emkaam u pyndep ya ka class X wa 45% marks wei ymtoh u duna ya 33% marks ha kawi ka subject.
Ya i kreh Soldier Clerk, toh u man kiwa da pass Class XII wei 60% marks wei ymtoh u duna ya 50% marks ha kawi pa kawi ka subject wei toh u tip ki u leh u pynemkaam Computer. Emkaam leh u puræ ya ka English, Maths/Accts/Book Keeping ha ka class XII namo X wei ymtoh u duna 50% marks ha kini ki subject lada ha ka exam class XII namo X.
Hei kreh Tradesman, emkaam u pyndep ya ka Class X.
Neibynta kini ki kreh emkaam u em hapyrdi i rta wa 18-42 snem ha ka sngi wa leh ya ka screening.
Ha kani ka sngi emkaam u rah ya ki kot wa sakhiat (Original) Education Certificate, ki kot wow pynsakhiat yei thaw sah (Domicile/Permanent Residence Certificate), ki dur Passport Size Colour 6 tylli, ka Character Certificate na u waheh chnong namo Gaon Panchayat (kawa da e hadien ka 01 Duyatra (January, 2017) , Ration Card/Voter ID, ka Aadhaar Card namo PAN Card, No Objection Certificate na ki sahep lada toh kiwa da kreh kaam sorkar Civil/Government Employer, ka Character Certificate wa da e da ki pulit.
Ya ki Medical Test, Computer Proficiency Test neibynta ki Clerk wa ka Personal Interview u pynman hapyrdi ka 04 – 09 tarik uni u bnai nadooh 8:00 waje i step.
Discussion about this post