Jowai : Ka yakhun semifinal yong ka Super Division yong ka West Jaintia District Sports Association (WJDSA) da poi ko cha ka kynti yakhun psiah cha ka final næ ka Semi Final. Ynne ka yakhun da man ko ha pyrdi ka Khimmusniang SC pyrchah ka Sohmynting SC.
Ynne ka sngi ka yalehke da man ko kawa yoosuk wa kawa chongchit heiwa nawa sdang ki nongyalehke wa pnah ka Sohmynting SC da yoh ki u pynkhih nyngkong ya ka jar ha ka minit kawa
26 lyngba u Kitbok Suting ha ka bynta yalehke wa nyngkong.
Katwa ha ka yakhun ha ka kylla miet won Sohmynting SC da yoh biang ko u pynkhih ya ka jar haka Minit kawa 48, lyngba u Meker Suting.
Hadien kani ka kool nei liang ki nongyalehke ka Khimmusniang da sai ki yei bor yong ki katwa ye yow su kylliang ya ki kool ka Sohmynting SC. Weiwa ka Khimmusniang da yoh ko u su kylliang da ka kool ha ka minit wa 59 lyngba u Donbok Bamon.
Hadien wa chah thap chi kool ka Sohmynting da yaleh ko pynyoo yei bor ko heiwa ha ka minit kawa 90+2 da yoh biang ka Sohmynting SC u thap lyngba ka kool na u Rikal Pyrtuh.
Kani ka yalehke da kut ko heiwa da jop ka Sohmynting SC ya ka Khimmusniang SC da 3-0.
Ka Sohmynting daw hap yakhun biang ko pynrchah ka Shangpung Moosyiem SC haka 30 tarik uni u bnai hei por 1:30 weiwa kiwa jop na kani yow psiah ki cha ka final pyrchah ya ka Sabahmuswang SC.
Discussion about this post