Ki ar tylli ki yakhun yong ka 6th Jaintia Meet Football 2017 ynne ka sngi

Shillong: Ka Football Tournament kawa tip kam ka 6th Jaintia Meet Football 2017 wa da pynman da ka All Jaiñtia Students Union Shillong Circle ha Madan Jingkieng Nongthymmai Shillong ynne ka sngi 8 tarik da pynman ya ki ar tylli ki yalehke.

Kawi na ki yalehke toh hapyrdi ka Thunder FC pyrchah ya ka RNA War FC heiwa ka Thunder FC da jop ko da 5-2. Ya ki kool ka Thunder FC da thap da u Bories Dkhar ha ka minit wa 21 wa 36, u Jerry Dkhar ha ka minit wa 27, u George A Manner ha ka minit wa 42 wa na u Hao-dabiang Muliar ha ka minit wa 54 katwa ya ki kool ka RNA War FC da thap da u Dimitewan Buam ha ka minit wa 9 wa na u Lyngkat Myrchiang ha ka minit wa 59.

Ha kawi won ka yakhun da pynman hapyrdi ka Pnar Land FC pyrchah ya ka Exterminator Raliang FC heiwa ka yaleh da man ko kawa ya drawn deiwa thap ki 2-2. Kamtæ da rai ya kiwa jop da ka chut Penalty heiwa ka Pnar Land FC da jop ko da 6-5.

Ha kani ka 12 tarik won daw em ka yalehke hapyrdi ka Mowkaiaw United FC pyrchah yaka War United FC heipor 2:30 i sngi i wow pynbood won sa ya ka Jar-i Sap pyrchah yaka Students Eleven FC heipor 3:30.

Related posts

Ka Rymbai Skhenshynriah pyrchah ya ka Kynsai Stream Fensing ha ka Final ka Gold Cup

November 27, 2024

Super Division: Jop ka Demthring ya ka 7 Wasa, khlem wa jop hapyrdi ka Mukhla wa Lumiawmuchai

November 27, 2024