Hadooh 13 tylli ki rong wanrah ki khon ka Raij Ialong ha ka sngi khaddooh ka Behdieñkhlam

Jowai: Ka Raij Ialong ynne ka 9 Naisaphra da pyndep ko ya ka lehniam Behdieñkhlam yong ka hei wan sakhi da ki hajar ngut ki bru wa wan na kylleiñ ka ri-loom Jaiñtia.

Ya kani ka lehniam ka Raij da sdang nadooh ka Muchai 1 tarik uni u bnai heiwa da pyndep ya kiwa boon ki lehniam kam ka Kñia Khang, ka Kñia Bhang, wa kiwi kiwi.

Ynne ka sngi da wanrah hadooh 13 tylli ki rong næ ki rot wa da wanrah na kylleiñ ki khon ka Raij kam na Wahiajer wa na Ialong.

U Montri ka tnat PWD, Fisheries, Excise ka sorkar Assam u Parimal Sualabaidya da man u kam u kongsan ynne ka sngi, wei hei klam wa tbian yong oo da ong u dap u dei mynsien wa sñiawkmen hawa yoo wa da ye u ksoh wei wow pteiñ u pyndep ya kani ka lehniam kawa da yah da ki warim.

Ha kani ka sngi da wan sakhi leh da u MLA ka Nartiang Constituency u Sniawbhalang Dhar, u MLA ka Umroi u Ngaitlang Dhar, ki MDC ka JHADC kam u C. Garod, u Phasmon Dkhar, u Marki Mulieh. Da em leh u Dolloi ka Elaka Jowai, u Puramon Kynjing, ki heh na ki Seiñraij waphær waphær wa kiwi kiwi.

Related posts

Khut sñiawbha ka Seiñ Raij Satpator wow ya wan sakhilang ya ka Niam Phor

January 6, 2026

Phooh phieñ ka Dorbar Niamtre ki khon ka Ri 12 Dolloi 30 Syiem ha Khonchnong

December 29, 2025

Hadien wa da pynhiar ya ki rong ha Aitnar da em ka Taan Bhang wei ka tyngkheiñ bhang kawa mut yow pyneh nasib ya ki khon ka Raij.

Manda dep na Aitnar da pyndep won ya ka Kñia Duwan ha Khlooblai ka Raij Ialong.