Shillong: Ka Bharatya Janata Party (BJP) da kam ko wa em kamwa 6 tylli ki jait niam waphær waphær kiwa da bait wow yachem wa kiwa heh yong ka BJP ha ka yalang wa khut da uwi na ki heh ka BJP, u Nalin Kohli kawa dawa pynman ha ka 12 tarik uni u bnai.
U President ka BJP Meghalaya, u Shibun Lyngdoh leh da pyntikna u yeini wei da ong u wa ki niam ki wow chimbynta kynthup ya ka Balang Catholic, Presbyterian wei wa kiwi de ki niam kam ki Sikh, Seng Khasi, Hindu, Muslim leh daw wan ki.
U Shibun da pyntip u leh wa i thmu yong ka yalang ym toh wow paan kyrchaan ya ka BJP neibhah wa da jan election tangwa yow yaklam pynsiawthooh chaphang ka synchaar paidbah ha ka ri wei wow kyntu ya ka roi ka paar yow pynman ya ka ri India kawa khlan kamwa da angnood u Narendra Modi.
U President ka BJP da ong u leh wa ha kani ka yalang daw yoh laad ki niam waphær waphær wow paan pynche chaphang kiwa boon wa chah klam ka BJP ha kiwi de ki seiñ saiñ pyrthai wa ka BJP toh ka seiñ chongchit niam wei kawa kynchiñ ya ki Christian wa kiwa khian paaid.
Discussion about this post