Ka lehkmen Independence Day ha Amlarem wa Khliehriat

Jowai: Ynne ka sngi ya ka lehkmen Independence Day da pynman leh ha Amlarem Civil Sub-Division wa ha Khliehriat, East Jaiñtia Hills heiwa u Stephanson Mukhim, Parliamentary Secretary wa u R.V. Lyngdoh, Minister of Urban Affairs da man ki kam ki kongsan ha kini ki thaw,

Ha Amlarem hadien wa pynhær ya ka lama ka ri da chim sa ya ka Rashtriya Salute yeiwa da pynman ha Amlarem Government Primary School Playground.

Heini ha ka lehkmen da em ki rwai, ki chaad tynre, ki skit wa kiwi kiwi kiwa da pynkhreh da ki khynnah ki skur wa ki dhab wa em hapoh kani ka Sub-division. Da pynyoo leh ya ka chaad Rongkusi wa da pynkhreh da ka dhab na Nongbareh Lyntiar Dance Troupe.

Ha kani ka sngi da pynkupburom leh ya ki khynnah kiwa da pass bha ha ki exam SSLC wa HSSLC ha u snem 2017. Ya ka District Award ya kiwa kreh Anganwadi ka ICDS Project hapoh ka Amlarem da e cha ka Duty Ryngksai neibynta u snem 2016-17 katwa yong u snem 2017-18 da e cha ka Queesila Khonglah.

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ha Khliehriat, East Jaiñtia Hills District won da wan chimbynta da ki 22 tylli ki dhab wa kynthup ya ki khynnah skur wa ki Meghalaya Police ha madan ka Khliehriat Secondary School.

U kongsan da saam u ya ka skur wa jop ha ka March Past cha ka Little Flower Secondary School, Lad Rymbai ya kawa da bood won sa ka Little Star Secondary School, Khliehriat.

Hei yatoh won wa ki kaam lehke wow pynphooh ya kani ka sngi yei naam jop da yoh da ka Sacred Heart Secondary School, Byndihati, bood won sa ka Holy Family Secondary School, Khliehriat.

Ha kani ka sngi da e leh ya ka State Level Anganwadi Award 2016-17 cha ka Boitha Thoo (AWW) ka Rymbai Pompyrthat Aanganwadi Centre wei ya ka District Level Anganwadi Award cha ka Prosperity Molang (AWW) Moopala Anganwadi Centre, ka Pyntngenlang Dkhar kawa man kam ka Anganwadi Helper na Mookynpad Anganwadi Centre wa ka Kynduhlang Rymbai (AWW) na Wapung Skur Anganwadi Centre hapoh ka Khliehriat ICDS. Heijooh i por da pynkupburom leh ya ka Thimoris Chyrmang, Anganwadi Helper na Narwan ‘A’ hapoh ka Saipung ICDS neibynta ka District Incentive Award for Helper 2017 – 18.