Ka Dorbar Tlang ka JHADC wa chi sngi

Jowai: Ka Dorbar Tlang (Winter Session) yong ka Jaintia Hills Autonomous District Council (JHADC) kawa da booh wow man ha ka 26 wa ka 27 tarik uni u bnai da kut noh ko pun ynnin ka 26 tarik.

Ha kani ka Winter session yong ka JHADC da em tang kattu katni tylli ki phang wa da kylli da mwanrah da u Leader ka Opposition u ma Moonlight Pariat wa na u ma Marki Mulieh kitæ kam i e Trading License ya ki dkhar, ki nan dakha hapoh ka District, ka lum dan ka Forest Department na ka Shangpung Toll Gate wa i slem wow pyndep ya ka Iawmusiang Supper Market  kawa da wan booh moo nongrim ha ka 10 Duyatra 2009, da u Ex-Speaker ka Lok Sabha u Purno Agitok Sangma heipor wa man CEM u tynde u ma Qually Suiam.

Hei yatoh wa i e Trading License ya ki Non Tribal, u Executive Member Incharge ma A.H. Darnei ha i jubab da ong u nadooh ka 25 tarik July 2015 hadooh ka 20 tarik November 2015 da e license kamwa 27 tylli cha ki Non-Tribal kiwa chong wasah hapoh ka East Jaintia Hills District weiwa da e ya ki Land Holding Certificate cha ki tre chnong tre khyndaw hapoh ka Elaka Narpuh kamwa 127 tylli.

Hei jubab ya katwon tylli ki nan dakha kiwa da chna ka JHADC ha u snem 2014-2015, u ma Andrew Awhai Shullai da jubab u deiwa ong ym em kawi wot leh ka nan neidaw wym em poisa ka Council.

Related posts

Da boonsien dep u yasyllok wa kiwa chongdai madan, phylla u Paul yei pynbaad wa leh yabor

November 24, 2024

Da 4 lak tam ki Vote jop ka Priyanka Gandhi ha ka Election wa nyngkong yong ka

November 23, 2024

Hei yatoh wa ka Iawmusiang Super Market u Chief Executive Member, ma Thombor Shiwat da jubab u deiwa ong wa suki i pynkreh weiwa ka poisa wa da pynlait ha ka bynta wa nyngkong da lut ko weiwa dang yang ya ka poisa ha ka bynta wa ar yow poi ko, heijooh i por ka Council leh daw chimkhia ko yeini.

Ha kani ka Dorbar Tlang yong ka Jaintia Hills Autonomous District Council chwa wow sdang ya ki mat yaklam da kynmoo warom ya u tynde u ma Tylli Kyndiah uwa da jooh man kam u MDC wa MLA ha ki snem wa da lai.

Katwa u ma Richard Sing Lyngdoh ha kani ka Dorbar Tlang da wanrah u hapoh ka dorbar ya kawi ka phang wa thymme kawa man ka Non Emcumbranc Certificate weiwa ini i wanrah u ma Richarge Sing Lyngdoh da kubur da ki dkhot ka yungdorbar weiwa ya kani daw chong pyrkhat da ka Executive Power k Council.

Ha ka bynta wa ar ka dorbar tlang  da mynjur leh u pynkrehkaam ya ka Jaiñtia Hills Autonomous District (Trading by Non Tribal) Rules, 2015 khlem iwon iwon i pyrchah na ki MDC.