Shillong: Ka esikai wa ar sngi hei yatoh wow pyllang ya ka um slap namo ka “Rain Water Harvesting System” hapoh ki skur wow pynbiang ya ka umdih wa ki paikhana da pynman ha ka Maharam Government Higher Secondary School, Mawkyrwat heiwa u Hadrian Lyngdoh u MDC ka thaiñ da man u kam u kongsan.
Ya ka yalang da pynman da u State Project Director, SEMAM, SSA & Director of School Education & Literacy, Meghalaya hei ya krehlang wa ka Meghalaya Basin Development Authority (MBDA), Water Resource & Earthanus Auroville Foundation, Pondicherry.
U Lyngdoh da ong ko wa kani ka yalang da pynman yow pynsñiawthooh yeiwa emkaam u pynneh pynsah ya ka um neibhah kani ka thaw toh kawa yoh slap boon bha tangwa kattæ leh kani ka thaiñ raw um ko heipor wa duna slap. Kamtæ uwi pa uwi emkaam ki u pyllang ya ka um wei em leh ki laad wow seiñ khih na ka um deiwa pynmih da ki um Mineral Water.
Kani toh ka sien wa ar wa pyrchang ka sorkar jylla wow sdang ya kani ka kaam ha Government Lower Primary School, Mawkyrwat deiwa chna da ka top um kawa 6000 litre heiwa kawa nyngkong da sdang ha Umthli, Laitlyngkot, East Khasi Hills District.
Discussion about this post