Pynksan ka HYC yei dawa ya ka ILP deiwa beiñ ya ka MRSSA

Shillong: Ka seiñ Hynniewtrep Youth Council (HYC) da ong ko wa Meghalaya Residents Safety and Security Act (MRSSA) wa pynmih da ka sorkar ha ka 14 tarik uni u bnai dang em ko chiboon i duna wow sonteri yei psiah ki baar jylla.

Ka Council da pynksan ko yei dawa yong ka hei yatoh wa ka Inner Line Permit (ILP) hapoh ka jylla Meghalaya deiwa pynmih leh ya ka phang krehkaam yong ka kawa tip kam ka “Save Hynniewtrep Mission” (SHM) ynne ka sngi ya kawa daw saam cha ki Hima, ki Dorbar Chnong wa kiwi kiwi ha kini ki sngi wow wan.

Hei yaklam wa kiwa pathai khubor u General Secretary ka seiñ u Robert June Kharjahrin da ong u wa “neiliang ki aiñ wa ki kyndon krehkaam yong ki Facilitation Centres da lai lait ki na kani ka aiñ neibhah kani ka aiñ ong ko wa ymhoi u wanrah i thut hei yatoh wa i lai i wan ki paidbah.”

Da pynrap u deiwa ong wa kani ka aiñ Meghalaya Residents Safety and Security Act pher ko bak la bak na ki kyndon krehkaam (Rules) wa da chna wow pynkrehkaam ya ka kamtæ man ko kawa yap lada em wa nood u pyrchah ya ka.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

U Kharjana da ong u leh wa kani ka aiñ ym em kyndon ko wow pynchitom namo wow kem ya kiwa psiah be-aiñ khlem ki kot ki sla chapoh jylla.

U Kharjahrin da ong u leh wa ki 13 seiñ kiwa dawa ya ki laad wow sonteri yei psiah i mih ki baar jylla ym pdiang ki yeiwa leh ka sorkar neibhah lada pdiang ki yeini daw mih ki cha khmat wow pdiang yeini wei hadooh katni ympu em wa pdiang namo wow kyntait ya kani ka aiñ.

Hei yatoh wa kiwa chongwai won da ong u wa ki kyndon ym em pynyaphær ko ya kiwa chongwai kiwa man kam ki tre jylla wa kiwa psiah bei-aiñ heiwa ya ki tre jylla leh da kheiñ ya ki kam ki baar jylla.