Chirup wa u Balios Swer psiah kiwa bood ya ka Violet Lyngdoh cha ka BJP

Jowai: U Balios Swer uwa man kam u President ka Jaiñtia Coal Miner’s and Dealer’s Association-Jaiñtia Hills wa ka Violet Lyngdoh, MDC ka JHADC ha ryngkat wa kiwa kyrchaan yong ki wa em kamwa 200 ngut da psiah ki cha ka BJP ynne ka sngi ha ka yalang wa pynman ha Chiehruphi, East Jaiñtia Hills.

Neiliang u Balios Swer da wanlang u wa ki 50 ngut kiwa kyrchaan ya oo ki wa da pisah cha ka BJP.

U State President ka BJP u Shibun Lyngdoh da pynbna paidbah u ya ki kaam wa da leh ka BJP kiwa da jop ym du hapoh ka ri kamjooh leh ha ka pyrthai.

Da ong u leh wa ka BJP em ko i bor wow pynrem ya ka Congress ha kani ka Election wow wan.

Chooh chooh da ong u wa kiwa yahkhmat ya ka Congress ha kylleiñ ka jylla da kyrbeh ki wei ye ki u kylliang sula noh da ki yong ka BJP namo yong kiwi ki seiñ yow lait ki nei rem.

Kani toh katkam ka khubor na u Basu Chakraborty Spokesman ka BJP.