Williamnagar: Kam wow pteiñ ya i saam tre dieñ hapoh ka Horticulture Mission, u Montri Rangbah ka jylla u Dr. Mukul Sangma ynne da saam tre dieñ biang u cha ki warep yow pynchlur ya ki u thung ki ya ki dieñ wow yoh nong ki, kiwa em hapoh ka jylla ki wow yohmyntoi leh ka juk wa daw wan.
Ha ka yalang wa pynman ha Songsak Agitokgre, East Garo Hills da saam u ya ki tre dieñ Agar, Murid (Black Pepper) wa ki Sajna (Drumstick) hei emlang ka Montri ka puræ puthi ka Deborah C. Marak, ki Parliamentary Secretary wa kynthup ya u Cherak W. Momin wa u Sengnam Marak wa kiwi kiwi.
U Dr. Mukul da ong u wa emkaam wow pynman ya kam kini ki yalang yow pynchlur ya ki warep kamjooh leh da kyntu ya kiwa yahkhmat ki chnong wow phah ya ki pyrtuid kiwa kwah u thung ya kini ki dieñ wei ka sorkar u pyntikna ko wa daw poi ki ha ka chnong yong ki.
Da pyntip u leh wa ka sorkar daw pynemkaam ko ya ki stat sayan wa katni heiwa daw pynemkaam da ki Satellite yow chem wa kiwon ki thaw wa ye u rep ya kiwon ki jait ki jhoor.
Da ban joor u yei emkaam u Agar neibhah na oo ye u mih boonjait kam i phniang Agar hadooh wa da em ki bru wa kwah u sdang ya ki karkhana pynmih ya i phniang Agar iwa pynemkaam ha ki dawai. Neidaw wa u Agar toh u dieñ wa da sdang wiar jiat na ka jylla da ong u wa ka sorkar dang thooh laad ko wow pynneh pynsah ya uni u jait dieñ.
Ha kani ka sngi u Montri Rangbah da saam u leh ya ki Cheque poisa cha ki kattu katni ki chnong kiwa da sdang ya ki kpær thung dieñ hapoh ka Integrated Basin Development & Livelihood Promotion Programme.
Discussion about this post