Yoh sikai ki sahep ka SWGH wow lait na ki kaam chah thok heipor wa pynemkaam Internet

Ampati: Ka esikai wa ar sngi hajrong ka phang “Cyber Security & Cyber Crime” da pynman da ka South West Garo Hills District Administration hei yakrehlang wa ka MATI, Shillong neibynta ki wakreh sorkar yong ka District, heiwa da pynkut ya ka ynne ka sngi.

Ha kani ka esikai da wan ebatai da ki bru ka National Informatics Centre (NIC), Shillong, u Addl. State Informatics Officer, Shekhar Dey, Technical Director, NIC, Harvest Synrem wa u Network Administrator, NIC, Manoj Sharma.

Ha kani ka esikai wa ar sngi da klam chaphang ka Cyber Security, Cyber Forensics, Case Studies, Cyber Terrorism, Network Management, wa kiwi kiwi.

Da batai chaphang ka Computer, Networking & Internet wa ki bynta yong ka Computer kam ki Booting Process, Registry, Network Components, Overview of Internet, IP Address. Hachwa wow kut kani ka esikai da klam sani bha chaphang ka e-District Services lyngba ka Service Plus da u Technical Director, Harvest Synrem. Hadien waroh kini ki esikai da em ka yaklam phyllu yumut hapyrdi kiwa sikai wa kiwa chah sikai.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ynnin i step chwa wow sdang da yoh i klam na u Deputy Commissioner C.V.D. Diengdoh heiwa da ong u wa ha kani ka juk wa katni kawa tip leh kam ka Digital Age emkaam bha ya ki sahep u man ki kiwa da tip bniah chaphang ka stat kawa katni. Da kyntu u leh ya kiwa chah sikai wow chim ki ya kani ka kabu ksiar yow pynman ya ki kiwa da pynkhreh hei yatoh wa ki kaam computer, networking wei wow yada pyn daki yaki hi na ki kaamsih wa mih na ka Internet.

U Addl. Deputy Commissioner M.T. Sangma, ki EAC, ka W.R.G. Momin wa u F. Boro, da emlang ki ha kani ka esikai.