Shillong: Ka dhab ki montri yong ka sorkar jylla namo ka State Cabinet ynne da pdiang ko yei pyrtuid ki soo ngut ki bru wow man kam ki dkhot ka State Commission for Protection of Child Rights (SCPCR).
Hadien kani ka yalang u Dr. RC Laloo da ong u wa da jied ya kini ki bru katkam wa da phah pyrtuid da ki Deputy Commissioners ka East Jaiñtia Hills, Ri Bhoi wa West Garo Hills.
Kini ki soo ngut kynthup ki ya u F. Nongtdu na East Jaiñtia Hills, ka Jennifer Jones Kylla na Ri Bhoi District wa ar ngut ki wympu tip pyrtuid na West Garo Hills District.
Hawa sdang u Naiynñiaw ka cabinet da thung biang ko ya ka Meena Kharkongor kam ka Chairperson ka State Commission for Protection of Child Rights.
Ya ka Kharkongor da thung nyngkong kam ka Chaiperson ka SCPCR ha ka 11 Wisu (March), 2014.
Kamwow pynkynmoo heini ka SCPCR hapoh i yahkhmat ka Kharkongor da ujor pyrchah ko ya u Julius Dorphang uwa man kam u MLA hei yatoh wa i slaitbor u ya kawi ka khynnah.
Discussion about this post