Jowai: Ynne i sngi kiwa pathai khubor na Jowai hadien wa kut kawi ka yalang ha Shangpung, da lai sakhi ki ya iwi i chram wa em wa thoh ya ki kyntien wa kyrchaan ya ka seiñ kieñ suloi ka Hynñiewtrep National Liberation Council kawa tip leh kam ka HNLC.
Ha ini i chram da thoh hei ktien para ‘Long Live HNLC’ namo iwa mut Im Slem HNLC.
Ini i chram toh iwa em ha Khliehmuchut, ha laad Mynktung, na u sarok Mynso Shangpung Road.
Ya kini ki kyntien da thoh da i rong wei em i hajan ka signboard ka PWD wa batai chaphang i chna ya u sarok Mynso Shangpung Road.
Ka seiñ HNLC toh kawa da kheiñ wa man be-aiñ ko da ka sorkar pyrdi.
Ki waheh na ka chnong da ong ki wa ymtip ki iyi iyi chaphang ini iwa da thoh ha ini i chram wei ymtip ki wa nadooh ynnu da thoh ya kini ki kyntien.
Discussion about this post