Kyrpaad u Sajay Laloo na ka NGT wa 5 Km na ki khloo, ki wah, ki krem wym hoi u chah u booh karkhana

Jowai: Ha ka 24 tarik uni u bnai u Sajay Laloo da booh u ya i kyrpaad (Application) kam chibynta ka mukotduma ka All Dimasa Students Union Dima Hasao Dist Committee (kiwa pyrchah yei tih mooyong hapoh ka jylla) ha khmat ka yung bichaar National Green Tribunal wow phah ko ya ka hukum cha ka sorkar jylla Meghalaya wow pynkhreh ki ya ki Policy wow yada ya ki khloo ki kjam, ki krem, ki wah wa ki mrad khloo.

Neiliang u muktiar u Laloo da ong u wa ka NGT haap kylli ko ya ka sorkar ka Meghalaya neiyi i daw wym khang ya ki karkhana ki wa em 5 Km na ki wah, ki khloo, ki krem wa ki Wildlife Sanctuary.

Ha kani ka sngi da pynkynmoo leh wa hadooh katni ki kharkhana hapoh ka jyll em em booh ki ya ki Effluent Treatment Plant wow pynkhooid ya ki jakhlia wa mih na ki wot hadien wa da pynmih hukum ka Supreme Court ha u bnai Thohlakhmi (February) ha uni u snem.

Da pyntip leh cha ka NGT wa katkam ka jubab RTI wa yoh na ka MSPCB da pyntip wa kiwa boon dooh ki karkhana em ki ha ri-loom Jaiñtia. Kamtæ i em ki da wanrah ko da i jæd i pra iwa da ktah joor ya ki um ki wah katwa ya ka roi ka paar won ym em ye ki u wanrah nadooh i khih i khan ya ki paidbah.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Neiliang ka sorkar won da e ko ki bai bor diñ wa duna cha ki, da lait ki na ka dan katwa ya ki tre jylla kiwa pynbiang mooyong ya ki da chah chim kabu ki wei boon ki por ym em u su ya ki.

Kamtæ da kyntu ya ka NGT wow leh ko yeiwa emkaam yow ye u yada ya ka Bei Rymaw.