Ampati: U Minister ka tnat Sports & Youth Affairs, ka sorkar jylla u Zenith Sangma da kyntu u ya ki paidbah khamtam ya kiwa rep wow chimkhia ki wow sdang rep noh ya ki dieñ ki wow pynyoh myntoi bha ya ki khnang wow ye bha ki u kynrong kyntu yei yohnong ki khamtam neibynta ka mynried mankawi wa ka pateiñ wow bood.
Yeini da klam u Sangma heipor wa man u kam u kongsan ha ka yalang wa saam u ya ki tre dieñ hapoh yong ka Social Mobilization Programme yong ka Horticulture Mission wa da pynman da ka tnat Horticulture, South West Garo Hills ha Chigitchakgre Playground, Rangsakona ynne ka sngi.
Hakani ka yalang da em leh u Chief Executive Member, GHADC, u Boston Marak, u Deputy Commissioner ka District u Cyril V.D. Diengdoh wa kiwi kiwi.
Da ong u Sangma wa ha kani ka jylla kawa em palat 30 lak ngut ki bru da em won du 60,000 ngut kiwa krehkaam sorkar, kamtæ to hi kaam ram ka soprkar jylla wa kiwa kreh sorkar wow pait wow yoo ya kiwa tam deiwa thooh ya ki laad yarap khnang wow ye ki u seiñkhih pyn dei yong ki dahi khamtam ha ki kaam rep kaam riang.
Da kyntu u ya ki paidbah ka thaiñ wow pyllai yumut ki hei wow thung ya ki jhoor wa ki dieñ kiwa ha rukom ki wow ye u pynku yei yohnong yong ki ym du ha kini ki snem wow wan tangwa ha ka mynried ka pateiñ kawa daw wan.
Kiwi kiwa da klam ha kani ka sngi toh u CEM ka GHADC, u Boston Marak wa u Deputy Commissioner, Cyril Diengdoh kiwa da klam chaphang ki rukom yohmyntoi wa ye u yoh na ki kaam rep hawa wyrchaw ya i rukom man i bneiñ wa ka rymaw waroh kawi.
Da yoh leh i klam na u District Horticulture Officer, N.Ch. Sangma wa u Asstt. Director ka Horticulture, Ampati, wa kiwi kiwi.
Discussion about this post