Jowai: Ka yungkrehkaam u District Sports Officer ka West Jaiñtia Hills ynne ka sngi da pynman ko daka yakop District Level Inter School Quiz & Debate Competition ha Kiang Nangbah Indoor Stadium kam chi bynta u kyntu kynrong yei sap ki khynnah skur heiwa da wan yachim bynta da ki khynnah skur na Jowai wa na kiwi ki chnong ka District.
Haka yakop debate yei naam jop da rah daka Aidamon Talang naka North Liberty Higher Secondary School Jowai, wa ar u Vernard Khyriem Mujat na Jaiñtia Secondary School katwa yei naam wa le won u Sandeep Siangshai naka North Liberty Higher Secondary School.
Haka yakop Quiz won wada chim bynta da 6 tylli ki skur wa kynthup yaka Kiang Nangbah Higher Secondary School, ka Govt. Boys Higher Secondary School, ka JNV Mukhla, ka Jaiñtia Secondary School, ka QC Springside English Secondary School wa ka Little Flower Higher Secondary School Ummulong.
Ha kani ka yakop da yoh yei naam jop daka JNV Mukhla wada mihkhmat da u Justine Lamin wa u Nathaniel Warlarpih da yoh wa ar ka Kiang Nangbah Higher Secondary School wa mihkhmat da u Phrangsngi Shylla waka Melinda Sympli katwa yei naam wa le won da rah ka Govt. Boys Higher Secondary School wa mihkhmat da ka Rhoda Sungoh wa u Conform Susngi.
Da emlang ha kani ka yakop School Quiz & Debate Competition ka kong M. Pde kawa man leh kam ka District School Education Officer yong ka West Jaiñtia Hills kam ka kongsan, nalor u District Sport Officer, wa kiwi kiwi.
Discussion about this post