Sdang ka lympung yalehke Football ka Saipung Block Sports Association

Jowai: Ka Saipung Block Sports Association ha kani ka 6 tarik uni u bnai da sdang ko ya ka Football Tournament 2017 ka yong ha Lammyrsiang heiwa u Thomas Nongtdu da man u kam u kongsan.

Ha kani ka sngi sdang da emlang u DSO ka East Jaitia Hills u K. Passah, BDO ka Saipung Block, L.G. Marboh Kharmih, hei emlang u Basterwel Bareh, Herling Shadap, Forester Pajuh, Dominic Pala, Aron Bamon, Stephen Bamon, wa kiwi kiwi.

Ki waheh wa emlang ha kani ka yalang hawa e i klam da e ki ya ki kyntien sneiñ kyntu ya ki khynnah wow man ki kiwa minot wa kiwa kreh chitom ha ki kaam sports waphær waphær.

Da pynphooh ya kani ka sngi sdang da ki chaad na ki khynnah ka skur Secret Heart School, Lamyrsiang, DCLP School, Lamyrsiang wa kiwi kiwi.

Related posts

Pynskem ka Lajong ya ka Contract ki 8 ngut kiwa yalehke | Ar ngut kiwa da yut cha kiwi ki ISL Team

July 6, 2026

Pyndam ka FIFA ya ka Red Card uwa yaleh ka USA | Daw yoh u yalehke Quarter Final

July 5, 2026

Ha ka yakhun wa nyngkong hapyrdi ka Tluh SC wa ka Jalaphet Lumsashram da man ko kawa ya draw 1-1, heiwa ya ka kool ka Tluh da thap da u Armiyo Gympat katwa ya ka Jalaphet da thap da u Lambat Chyrmang.

Ka yalehke wa ar won hapyrdi ka Lamyrsiang Sc wa ka Tongseng, ka Lamyrsiang da jop ko da 2-0 wei ya ki kool da thap da u Heini Bamon wa u Jimmy Bareh.