Jowai: Ka Bharatiya Janata Party-West Jaiñtia Hills District (BJP-WJHD) ynne ka sngi 8 tarik da pynman ko yaka yalang yong ka BJP-Nartiang Mandal (Constituency) hajrong ka thong wow pyllai bait ya ki kaam ka party hapoh kani ka Mandal.
Ya kani ka yalang da pynman ha Yung Hall ka Nartiang Pohchnong heiwa ki bru na kylleiñ ka Constituency da wan chimbynta ki ha ka.
Ha kani ka sngi da wan leh kiwa pait ya ka BJP Meghlaya nadooh u Pankaj Deka uwa man kam u Organisation In-charge Khasi & Jaiñtia Hills, u Khrawboklang Basaiawmoit uwa man kam u In-charge West Jaiñtia Hills District, U Basu Chakraborty kam u Spokesperson ka BJP-Meghlaya, heiwa da em leh ki heh ka BJP-WJHD nadooh u President u Marki Mulieh, u General Secretary I.J. Dameki Paswet wa kiwi kiwi.
Ya kani ka yalang da pyllai da u Marki Mulieh heiwa da pynbait wow chna noh ya kani ka Mandal Committe wa thymme heiwa da rai leh wow jied thymme noh ya kiwa kitkaam yong ka BJP Nartiang Mandal Committe.
Ha kani ka yalang da jied ya u Diamond Dhar kam u President, u Moina Phyllut kam u wa ebuit ha ryngkat wa ki dkhot wa 26 ngut yong ka Committee.
Hadien wa dadep jied ya kini ki dkhot neiliang u chongknor da kyntu u yaki dkhot wow man ki kiwa kreh hok khnang wow ye u wanrah ya i roi i paar ha kani ka thaiñ wa ka jylla hi waroh kawi deiwa ong leh wa emkaam wow man ki kiwa sñiawkhian.
Discussion about this post