Ka sien wa nyngkong pynman yaka yachemlang ka seiñkur Siangshai ka Wahiajer

Jowai: Ynne ka sngi man ko ka sngi wa sahkynmoo ya ki khon ka seiñkur Siangshai heiwa ha kani ka sngi da pynman ya ka yachemlang wa nyngkong yong ka ynne ka sngi ha Yungblai ka kur ha yong ka Dakaniwanki Siangshai, Wahiajer.

Chwa wow sdang kani ka yachemlang da yoh i klam pdiang burom na kawi na ki manbei ka kur, ka Philis Siangshai heiwa da kyntu ko ya waroh wa kam ka kur emkaam wow man kiwa yatylli kiwa ya maya wei wow man kiwa ya maap kylliang.

Hadien ini da pynman ya i suki wa chi minit kam ka dak wow kynmoo warom ya ki longchwa ka kur kiwa da khlaad na kani ka pyrthai.

Hadien ini da yoh yei rwai pdiangburom na ki manbei ka kur wei da khana leh ya ka parom wa tbian ka kur da u General Secretary ka seiñkur u D.N. Siangshai, yeiwa da pynbood won da i rwai na ka khon ka kur ka Kyntiewmame Siangshai wa ar tylli ki Action Song na ki khon ka kur.

Related posts

I pyntip wa emkaam ya ki khon ka Seiñkur Langi

May 11, 2025

Da ki ar tylli ki Drama pynkut ka Chilliangraij ya ka Bamphalar 2025

May 11, 2025

Ynne ha kani ka yachem da pynkup burom leh ya ar ngut ki waheh ka seiñkur kiwa da kynjoh 78 snem wa 76 snem wei kitæ toh ka Bisila Siangshai wa u Dangheini Siangshai da u Hermon Phawa uwa man leh u MDC ka JHADC.

Ha kani ka yachemlang da pyllait leh ya ka kot kawa da e pyrtuid “Ka jingsdang ka kur Siangshai ha Wahiajer” kawa da thoh da u D.N. Siangshai.

Da yoh leh yei klam na u Piwinri Siangshai wa na u Hermon Phawa kiwa da kyntu ya ka kur u man ki kiwa tip bru tip blai, ki wow ku chaphrang deiwa emlang chirup wa ka kur.

Katni da em kamwa 53 tylli ki manyung ka seiñkur du na ka kpoh wa mih na kawi ka manbei kawa man leh kawa seiñ ya ka, ka Shynshar Siangshai kawa mih naka chnong Pamrapaithlu wei da lai chong sah ko ha chnong Wahiajer.