Khliehriat: Ka Dong Loompyrdi FC wa ka Dong Main Road RBBJ FC toh artylli ki dhab wa jop ha ka lympung yalehke kawa tip kam “Umlyngsha Inter Home Football League 2017” kawa pynman da ka Umlyngsha Youth Society & Sports Club (UYSSC), East Jaiñtia Hills District ha ka chnong Umlyngsha ha kani ka Sngi Chohthat kawa da dep ha Umlyngsha Football Playgroud.
Ka yakhun kawa nyngkong toh heipor 1:30 nohchariñ ka sngi ha pyrdii ka Dong Loom Pyrdi FC wa ka Dong Khadlynraw FC ka Dong Loom Pyrdi FC da jop ko hadooh 7-0 ya ka Dong Khadlynraw FC wei ya ki kool da thap le kool lyngba u Victor Shadong, ar kool na u Ajoy Talang, chi kool na u Rimiki Talang wa kawi ka Own Goal kawa bakla thap u yong ka Dong Khadlynraw FC.
Ha ka yalehke kawa ar won heipor 3:00 waje janmiet hapyrdi ka Dong East Colony wa ka Dong Main Road RBBJ FC ka DMR FC da jop ko 4-2.
Ha kani ka sngi ka yalehke da man ko kawa yathaaiñ bha heiwa ki dhab kiwa yakhun wow jop iwi ya iwi heiwa ka Dong East FC da yoh chwa ko u thap ha ka minit wa 11 lyngba u Nidahun Lamare kawa pynkmen ya ki paaid kiwa kyrchaan yong kani ka Dong tangwa du hadien kattu katni minit ka Dong MR FC da yoh biang ko u su ya kani ka kool lyngba u Welmiyo Syrti ha ka minit wa 15 heiwa da neh hadooh wa kut ka por ya dih um soh mar 1-1.
Hawa pteiñ ya ka yalehke ha ka kylla miet ka Dong Main Road RBBJ FC ka da yalehke bha ko heiwa da thap biang ko sa ar kool ha ka minit wa 35, 41 lyngba u Pyiarly Shadong wa ka kool na u Elija Lyngdoh katwa neiliang ka Dong East ka yakhun ko wow su kylliang ya kini ki kool tangwa ym ye de ko neibhah kiwa yang dien yong ka Dong MR ym e laad ki ya kiwa yalehke yong ka heiwa chwa u kut i por yalehke da yoh ko thap sadu chi kool hawa ka Dong MR FC da jop ko 4-2.
Discussion about this post