Daw chimkhia ka seiñ khynroo ka NPP hajrong i puræ puthi wa i yoh khih

Shillong: Ka National Youth President ka National People’s Party (NPP), ka Ratika Yumnam hawa wan ko cha ka Nongbah Shillong ynnin ka sngi da ong ko wa kam ka khyllood wa yahkhmat ya ka seiñ toh wow kreh yei yoh khih yoh kreh wa i stat i tip.

Da ong ko wa ka NPP u yaleh ko wow wanrah ya ka Skill Development Courses katkam wa emkaam i ha ka thaiñ.

Hei yatoh wa i puræ puthi ka Ratika da ong, “Ym du i stat i tip tangwa emkaam i stat katkam ka sap wa em ki khynroo khyllood”.

Ka National Youth President yong ka NPP da ong ko wa psiah ko cha ka NPP toh wa sñiaw ko wa ka seiñ ymtoh kawa yachah niam, man ko yawa pyrkhat ya i roi i paar wei wa man ko ka seiñ kawa chynna jngai.

Related posts

Lada ka sorkar sñiaw ko wa emkaam palat ko wow wanrah luti rel ye ko wow lai chakhmat: Ardent

May 12, 2025

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Hawa jubab hei chah pynbaad wa yakrehkaam lang ko wa ka BJP ka Ratika da ong ko wa i yakrehlang man i jar jiar wei ka NPP man ko kawa laitlooid.

“Du neidaw wa yakrehlang i wa ka BJP ym mut wa i kam ka NPP chah synchaar ha ki”, ong ka Ratika.