Jowai: Ka Chairperson ka Women’s Welfare Organisation (WWO), ka Seiñraij, Jowai ka M. Laloo chirup wa ka Secretary, ka R. Dkhar da pyntip ki wa daw pynman ya ka Sngi Yachemlang ki Kynthai.
Ya kani ka yachemlang daw pynman ha ka 30 Naikhynde (Sep), 2017 ha Yung Dorbar ka Seiñraij Jowai.
Ha kani ka sngi kamwa jooh leh man ka yachemlang daw pynkup burom leh ya ki khon ka Niamtre na ki Raij waphær waphær nadooh na Seiñraij Shillong, Ummulong wa kiwi kiwi na ri-loom Jaiñtia kiwa pass bha ha ki exam yong ki kam ka:
- HSSLC – waroh ki stream kiwa yoh Top Ten Position ha u 2017
- SSLC/ICSE/CBSE – kiwa yoh 75% chaneiñ
Da pyntip wa ya ki form ye u yoh na yungkrehkaam ka Seiñraij Jowai nadooh ka 7 Naikhynde wei ka sngi khaddooh wow e (submit) ya ki form toh ha ka 20 Naikhynde 2017.
Ya ka yutip wa bniah ye u yoh na ka Yungkrehkaam ka Seiñraij Jowai heipor krehkaam.
Discussion about this post