Pynkup burom ka Tpep-Pale ya ki le ngut ki waheh

Jowai : Ynnin ka sngi, ka dong Tpep-Pale da pynemburom ko ya le ngut ki waheh ksoh kaam yong ka dong, kitæ toh u waheh F.S. Rymbai uwa man kam u Chairman u waheh Marding Passah uwa man kam u Asst. Secretary wa u waheh D. Yoowan Syngkon.

Kini ki 3 ngut ki waheh toh kiwa da kreh la 25 snem tam nei bynta wow chakri ya ka dong, katæ nadooh u snem 1990 hadooh u snem 2015. U Wh. FS.Rymbai, wa u Wh. Marding Passah toh ki waheh kiwa jooh ksoh leh yei kaam General Secretary yong ka dong.

Kam ka dak wow tipmit yei chakri yong ki ya ka dong, ka dong Tpep-Pale da pynkupburom ko ya ki dei wa pynman ya ka yalang ha Yung Walieh ka dong Tpep-Pale heiwa ya ka yalang da pynkhreh da ka Women’s Wings chirup wa ka Sports & Youth Affairs yong ka dong Tpep-Pale. Heini i yalang pynkup burom da wan yachim bynta ki nongchong chnong ka dong nadooh ki manbei ki manpa, ki khon khynroo khynlood ki khynnah yong ka dong wa ki wa chah khut sniawbha.

Ki 3 ngut ki waheh hei klam yong ki kam kiwa da pdiang yei burom da e khublei ki ya ka dong waroh kawi nei bynta ka burom ka wa da pynkup ha ki, da e ngooh ki yow Blai nei bynta i yah luti yong u ya ki wei da booh haroh ki yei kyntu ya ki para nongksoh kaam dong nadooh ki waheh, ki khon khynroo khynlood wa ki seiñ manbei wow man ki kiwa chakri wa paka tam yaka dong ka chnat.

Related posts

Ha ka Behdieñkhlam ka Raij Mukhla lyngba ka Internet sakhi u Montri ka sorkar pyrdi, wai u leh ya ki kreh wa chongdor Rs. 1.93 klur

August 31, 2025

Pynskem Unit ka Seiñ Kur Suting ha chnong Moosakhia

August 31, 2025

Ka Women’s Wings ryngkat waka Sports & Youth Affairs da e ko yei e sniawbha ya ki kiwa khynthup yaka sahkti, ka ryndia tlem wei da e lang leh ya ka syrnod (Certificate).

Da pynphooh pynphieñ yaka yalang pynkup burom dei yachim bynta lyngba i wrai chad waki pynyoo riam ki wa da chim nynta da ka Women’s Wing, ki khon khynroo khynlood wa ki khynnah khian. Da pynkut ya ka yalang pynkup burom dei ngooh blai na u Waheh Pius Lakiang.