Williamnagar: U Montri Rangbah ka jylla u Dr. Mukul Sangma, da pdiang u wa kiwi ki sorkar wa da lai ym ye ki u pynbiang ya ka puræ puthi wa biang neidaw wa haap pynbiang ki ya ka ya e sikai wa “Free and Compulsory Education”, tangwa ka sorkar wa katni da ye ko u pynbiang deiwa krehlang wa kiwi ki thaw puræ yow wanrah ka puræ puthi wa thymme hapoh ka jylla.
Ya ini da ong u ha ka yalang booh mooyurim ya ka Science Block ka Loyola College, Williamnagar ha East Garo Hills hei emlang ka Montri ka Puræ Puthi ka Deborah C. Marak, Parliamentary Secretary, Sengnam Marak, Regional Superior of the Jesuits of North East, Fr. Arul, Principal, Loyola College, Fr. Sunny, ki heh ka district wa kiwi kiwi.
U Dr. Mukul da ong wa ki khynnah wa wan na kiwa boon ki thaw em ki jar jiar i bor wei em leh kiwa emkaam yei por wa kyrpang yong kiwa sikai. Chooh chooh da ong u wa ki thaw puræ em ki ha ki ka kitkhlieh wow pynman ya ki khynnah kam kiwa chong chnong ka pyrthai kiwa sñiawthooh ya ka pyrthai.
U Dr. Mukul da yaroh u leh yei stat ki khynnah heiwa da pynman ki da ka Broadway musical “Annie” wei da ong u leh wa da e mynsien ko wow mylliñ ya i wa rim wei pynyoo leh wa i pynkhreh ki khynnah man ki iwa da kreh chitom bha. Kamtæ da pynchlur u leh wow pynman chooh kam kini ki Drama neibhah ki Drama leh ye ki u wanrah i kylla ha ka imlang sahlang.
Da pynchlur u leh ya kani ka thaw puræ wow yah luti ya ki khynnah yow yieñ ki ha ki yong ki hi ki kjat bar yow ya thooh khih sorkar iwa da dap da chlai iwa wanrah du i chrai ya ki khynroo heipor thooh kreh ki.
Discussion about this post