Chirup wa ki spah ngut kiwa kyrchaan psiah u Lakhon Biam cha ka BJP

Jowai: U Spokesperson ka BJP Meghalaya da pyntip u wa u Lakhon Biam uwa kreh kam u Assistant Executive Engineer ka tnat PWD ka sorkar Meghalya da ieh u yei kaam wei da psiah u cha ka BJP ynnin ka 16 tarik chirup wa kiwa kyrchaan ya oo napoh ka 3-Raliang Constituency, West Jaiñtia Hills.

Da pyntip wa u Lakhon da yoh mynsien u nei thrang u Modi wow pynman ya ka India wa lait na ki kaam baamtooh wei wow wanrah yei roi i paar liang wanang hapoh ka thong u Modi wa tip kam ka “Sab ke saath sab ke vikas”.

Ka BJP da ong ko wa da i psiah u Lakhon da pynkhlan chooh chooh ko ya ka party hapoh ka jylla.

Ha kani ka sngi da emlang u state President ka seiñ u Shibun Lyngdoh, ka Mahila President ka Pelcy Snaitang, u Vice President ka seiñ u David Kharsati, ka MDC ka JHADC ka Voilet Lyngdoh wa kiwi kiwi.

Related posts

Hiar chuki u Nitish Kumar kam u CM ka Bihar hadien wa ksoh ya ka chuki 10 sien

March 30, 2026

Ym pu em e jubab ka JHADC lada daw pdiang yei tyrwa wow su noh da ka sorkar ya ka tulop

October 30, 2025