Shillong: Ynne i step heipor kamwa 5 waje ki damok wym tipmit da pakhot Petrol Bomb ki ya i yung sah u MLA ka West Shillong Constituency u Paul Lyngdoh. Uni u petrol da haap u hajrong tin i yung wa sah u Security Guard wei embhah ym em wa mynsoo ha ini i jia.
Hawa yaklam u Paul wa kiwa pathai khubor da ong u wa da suba wa da emkti ki wa kyrchaan u Mahendro Rapsang uwa daw yieñ pyrchah ya oo ha kani ka Election wow wan.
“U Rapsang da yalap election u ha i rukom wa rap yooma ha kini ki bnai wa da dep. Ha ki le sien wa da dep yieñ election O ym jooh em leh pyrchah uwi ya uwi ha ini i rukom” da ong u Paul.
Da ong chooh chooh u wa “Nga tikna O wa kini ki bru toh kiwa da em wa su poisa ya ki yow leh ya ini da ki wa pyrchah ya nga.”
Da pyntip u leh ha ka 16 tarik uni u bnai da em kiwa kyrchaan ya u Rapsang kiwa uin kylleiñ ka Constituency heipor 2 waje i step kiwa wan leh na khmat yung yong oo kiwa kbai “Ha ka kti.”
Discussion about this post