Shillong: I pynhiar pyrda ya ka Shillong Hackathon 2017 hajrong ka phang Clean and Liveable City da pynman ya ka ha Yojana Bhavan Auditorium, Shillong ynne ka sngi heiwa u Additional Chief Secretary ka sorkar Meghalaya u H. Marwein da man u kam u kongsan.
I thmu kani ka Hackathon toh wow thooh laad kammon u pynman ya ka Shillong wa khooid da ki buit wa wanrah ki paidbah yow jubab ya ki phang kylli wa da booh da ki tnat sorkar waphær waphær.
U Marwein da ong u wa ki stat ka juk katni ye ki u yarap u poi cha ka thong kani ka Hackathon heiwa ha kini ki snem wa da lai da pynkylla ko ya ka pyrthai hi waroh ka wi.
U Commissioner & Secretary, Urban Affairs Department, u F. R. Kharkongor da ong u sa kawi ka thong kani ka Hackathon toh wow e laad ya ki khynroo khyllood kiwa da jooh bha wa i stat ka juk wa katni wow chem ki ki laad ki luti wa ka juk katni bien ki u bood.
Da pyntip u leh wa kiwa boon kiwa e buit ha kani ka Hackathon toh chaphang i pyllai kari kiwa man 60% katwa kiwi tawon toh chaphang i rukom noh jhep i pyllang jhep wa kiwi.
Discussion about this post