Pynche u Mansturdy hadien wa lai kyrchaan noh u Jansing Tynsong ya ka PDF ha KHADC

Shillong: Uwa yahkhmat ya ka liang pyrchah ha KHADC na ka Congress, u Mansturdy Nongrem da ong u wa u Jansing M Tynsong da lai kyrchaan u ya ka People Democratic Forum (PDF) wa yahkhmat da u Pynshngain N Syiem neibhah wym ye chah u wow chong neiliang pyrchah.

Hawa yaklam wa ki kattu katni kiwa pathai khubor u Manstudy da khana u wa hadien wa yoh ya ka chithi na u Jansing wow lai kyrchaan u ya ka Executive Committee (EC) ka PDF, da yaklam u wa oo lyngba ka phone wow kylli yei daw wa lai kyrchaan u ya ka hanlada em u ha ka Congress na ka liang pyrchah.

Neiliang u Mansturdy da ong u wa lada lai kyrchaan u ya ka PDF, u Jansing da toh u ieh noh u ya ka party Congress lym kamtæ ym ye u wow leh kamni hawa ka Congress em ko neiliang pyrchah.

“Da chong pyrkhat i yeini ha ka Parliamentary Party wow yaklam ya ini wei daw pyntip i yeijooh cha ka MPCC wow leh yeiwa emkaam ya u Jansing”, da ong u Mansturdy.

Related posts

Hapoh dorbar ym lait ki tang u ang tangwa cha lait pynheh ki kam ki rem dorbar pynksan cha baar, ong u Titos ya ka EC ka VPP

June 26, 2025

Wanrah i ka mang tangka kawa boon dei yoh yei lut | Da pyndam leh ya ki Committee wa pynlut phut: VPP

June 24, 2025

Hawa kylli wa ye hi ma-ai u man wa leh u yeini hadien wa chah hukum u ha u MLA ka Pynursla hadien wa ka MPCC da pyndam ko ya ka Pynursla Block Congress kawa mihkhmat da u Prestone Tynsong, uwa man u ma kur u Jansing, u Mansturdy da ong u wa ya ini ympu tip hadooh katni tangwa i lai kyrchaan u ya ka PDF ye u em iwon iwon i daw.

Kamwow pynkynmoo heini u Jansing da lai kyrchaan u ya ka PDF ha KHADC hadien kattu katni sngi wa ka MPCC da pyndam noh ko ya ka Block Pynursla Congress kawa pyrchah ya u MLA kani ka thaiñ, uwa ye u yakhun noh na kawi ka party.