Khliehriat: Ka Thanat wa em ha Khliehriat man ko kawi na ki Thanat wa boonkaam dooh hei yatoh wa ki case wapher wapher. Katkam ka yutip da ong wa nadooh ka 15 Duyatra 2015 hadooh ka 2 Kmaichonglad 2015, ka Thanat Khliehriat da dep Register Case ko hadooh 433 tylli ki Case. Kini ki Case kynthup ya ki Case khyndang yung, tooh, ksohbor kynthai wei wa na ki 433 tylli ki Case, 150 tylli na kini man ki kiwa yatoh wa i tih mooyong i wa man beaiñ hadien wa ka National Green Tribunal (NGT) da khang ko u tih wa u challan mooyong.
I kaam tih mooyong toh i wa boon ha East Jaintia Hills wei wa man ko ka distrik kawa khlan tam u pynmih mooyong hapoh ka jylla chwa u khang ka NGT. Ha ki par mooyong da pynkreh ya ki barjylla wa ki bar-rikiwa wan na Assam, Bengal, Bihar wa na Nepal. Heijooh i por ki tre chnong yoh kaam ki ha i choh moosleit, i yah trok wa i challan ya u mooyong.
Ki pulit ka Khliehriat Police Station da ong ki wa hap kem ki ya kiwa tyngkheiñ ya ki hukom ka NGT han lada man i kamai ja kpoh ya ki wa boon wei da ong ki pulit leh wa daw boon chooh ki wa daw hap kem ki lada neh i khang ka NGT yei tih wa u challan mooyong.
Discussion about this post