Jowai: Kam chibynta wow kyntu kynrong ya ki kaam yalehke wa boon jait cha ki thaiñ nongkyndong, ka Children & Youth Club Namdong-A ka Namdong Christian Club Namdong, ryngkat wa i yarap ka Dorbar Chnong Namdong, da sdang ki ya ka tayaw lehkmen ynnin ka sngi 2 tarik heiwa da wan wai ya ka da u J. R. Kharmut.
U Kharmut hawa e i klam kam u kongsan ha kani ka sngi da e u i yaroh ya ka chnong wei da kitbok u ya ki khynnah wa ki khynroo khyllood wow ye sakhiat ki wow sai madan ya ki sap yong ki kam ha kini ki por.
Da yoh leh yei klam na u D. Lyngdoh uwa man kam u Waheh Chnong ka Namdong-A uwa da pynsñiaw yei mynsien wa sarong yeiwa chlur ki khynnah khynroo khyllood wow sdang ya kam kani ka lympung deiwa ong wa kani daw man ko ka laad wa ka kaam wa ki khynnah u ye ki u ku chaphrang.
Ha kani ka sngi nadooh i step da sdang da ka phet marathon kawa da wan yachim bynta da ki spah ngut ki khon ka chnong, hadien ini da sdang ya ki yakop waphær waphær nadooh ka yakop chaad tynre, yakop rwai, wa kiwi kiwi.
Neiliang ki Club waroh da pynsñiaw ki yei mynsien sñiawngooh ya u Waheh Chnong u D. Lyngdoh uwa da e cha ki da ki uniform hadooh soo jur kam chi bynta wow pynemkaam ha kani ka tayaw lehkmen.
Discussion about this post