Tura: U Montri Rangbah ka jylla u Dr. Mukul Sangma da yah khmat u ya ka thung dieñ wei da saam u leh ya ki tre dieñ cha ki khynnah skur ha kiwa boon ki thaw ha Tura wa ha Ampati kam chibynta ka “Chief Minister’s Clean & Green Campaign” wa ka “Gift a Sapling” kawa man wow sdang ya ka 15 sngi ka “Gram Samriddhi Evam Swachhta Pakhwada, 2017” ynnin ka sngi.
Ha kani ka sngi da em ki Parliamentary Secretary, u Noverfield R. Marak, Brigady N. Marak wa u Ashahel D. Shira hei emlang u West Garo Hills Deputy Commissioner u Pravin Bakshi wa ki heh district, ki heh ki chnong, kiwa siaki wa ki khynnah skur.
U Dr. Mukul hei klam yong oo da kyntu u ya waroh wow myllien ki u man kiwa leh khooid ym du ha yung kamjooh leh heipor wa lai wa wan ki.
Da pyntip wa nadooh wa sdang ya ka Chief Minister’s Clean & Green Campaign ha u snem 2011-12 da dep saam da ki million tylli ki tre dieñ ha waroh kawi ka jylla.
Ha ka yalang wa pynman ha Tura Circuit House u Montri Rangbah da khut u ya waroh wow pyn yajan wa ka Bei Rymaw deiwa pynjoor ya i thung dieñ kam ha kini ki por wa da kylla i chit i kjam hapoh ka pyrthai kamjooh leh ka ye ko u e khih ya kiwa boon kamjooh yow man biang ka jylla kawa rben i khloo kam nachwa.
Discussion about this post