Da pyllait ya ka Draft Photo Electoral Roll ka WJH chirup wa ki tarik wa emkaam hei yatoh wa ini

Jowai: Ka Electoral Roll yong ka 1-Nartiang (ST), 2-Jowai (ST), 3-Raliang (ST) wa 4-Mowkaiaw (ST) Assembly Constituency wada pynkhreh katkam ka Registration of Electoral Rules, 1960 da booh ya ki wow yei ki bru u sylli ya ki ha ki Office yong ki Electoral Registration Officer wa ki Polling Station ha ki kynta krehkaam.

Ka 01.01.2018 u man ko kam ka sngi wa khaddooh wow ye u pynpsiah pyrtuid ha kini ki Electoral Roll.

Kamtæ da kyrpaad ya waroh kiwa chong chnong ka ri kiwa daw kynjoh 18 snem i rta hadooh ka 1 Duyatra (January), 2018 wow pynpsiah pyrtuid noh ki ha kini ki Electoral Roll.

Heijooh i por da pyntip wa lada em kiwon kiwon kiwa kwah u pynkylla namo u pyrchah yei em pyrtuid kiwi ye u leh ha namo chwa ka 31 Naichiphaw (October), 2017 deiwa pyndap ya ki Form 6, 7, 8 namo 8A katkam wa emkaam.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Ya ki pyrtuid daw puræ ha ki dorbar chnong namo ha ki yalang yow pynsakhiat ya ki pyrtuid toh nadooh ka 6 tarik hadooh 18 tarik uni u bnai. Ka Special Campaign neibynta kiwa pyrchah namo boh ya iwon iwon daw leh nadooh ka 7 tarik hadooh 21 traik uni u bnai wei yeini iwa kam daw chong bichaar khaddooh ha ka 13 Khonchonglad 2017.

Ya ki dur wa ki pyrtuid daw pynthymme ya ka database, wei daw pynmih won ya ka Supplementary List nadooh ka 19 Kmaichonglad (December), 2017 wei ya ka list wa khaddooh (Final) yong ka Electoral Roll toh haka 10 Duyatra (January) 2018.