Da ka Mrs SCOTLAND OF THE EAST u pynman ka K.Y.S. ENTERTAINMENT SOCIETY

Jowai : Ka seiñ Kyntu Yei Sap Society kawa man kawi na ki seiñ wa kreh monsniawbha wow wai laad ya ki bru wa em sap wa kyrpang iwa rieh lada ha ki khynnah, ki khynroo khyllood wa ki manbei manpa hapoh ka jylla, ha kani ka kynti daw pynman ko ya ka Mrs SCOTLAND OF THE EAST “Gorgeous mom” 2015.

Ya kani ka KYNTU YEI SAP SOCIETY (K.Y.S. ENTERTAINMENT SOCIETY ) da seiñ ya ka ha ka u snem 2010 ha weiwa ka Jowai, Jaintia Hills District. Weiwa da seiñ ya ka wa kam wow pynchlur ya waroh ha li liang wanang kam ha i sap, i rep i riang, i khih i kreh wa kiwi kiwi.

Ha uni u bnai ka seiñ daw pynman ko ya ka Mrs SCOTLAND OF THE EAST “Gorgeous mom” 2015 næ ka yakop miat manbei neibynta ki manbei kawa man leh kawa nyngkong ka wow pynman ki ha uni u bnai. Ha kani ka yakhun yei naam wa jop u yoh ko T. 1,00,000/-.

Daw em chwa ka audition ha ka 19 tarik uni u bnai ha U Soso Tham Auditorium, Shillong ya ki wa thmu u chimbynta.