Joo ki umkhmat u Adelbert neidaw wym bien u pynkylla ya ka AD Rule 128

Shillong: I wanrah yei wym chaniah namo iwa tip leh kam ka No Confidence Motion (NC) u MDC ka KHNAM Adelbert Nongrum pyrchah yaka Executive Committee ka People Democratic Forum (PDF) wa yahkhmat da u Pynshngain N. Syiem kam u CEM, da man ko kawa sep-ai hadien wa ki MDC wa kyrchaan ya oo (Adelbert) ym kynjoh paaid ki ha ka yung dorbar.

U Adelbert da wanrah u ya ka NC ynne ka sngi heiwa u Chairman ka Council u LG Nongsiej da phah u ya ki dkhot wa kyrchaan wow yieñ ki, heiwa da kyrchaan du ki MDC ka UDP wa ka HSPDP katwa ki MDC ka Congress ym em u yieñ ki, iwa pynman wow kyntait noh ya kani ka NC neidaw wym biang bru.

Katkam ka aiñ, wow pdiang ya ka NC emkaam yei kyrchaan ki 8 ngut ki MDC ha ka yung kawa 30 ngut, tangwa ynne em ki du 6 ngut donhi iuwa mut leh wa lada kyrchaan sa ki MDC ka Congress, ka NC da neh ko.

U MDC ka UDP na Mairang u Equator L. Nongrang ym em u wan u cha ka dorbar katwa u MDC ka UDP na Umsning u Donkupar Sumer da kylli u hakhmat u Chongknor won u Nongsiej wa kammon ye u wow chong haka liang pyrchah da pynbna u wow kyrchaan ya ka EC.

Related posts

Hiar lai pait u Wailadmiki ya ki sarok wa da pynbna wow chna noh hapoh ka Jowai Constituency

May 4, 2025

Phah u Himanta wow tyngkheiñ yei kjat kiwa yaroh ya ka Pakistan

May 2, 2025

Katwa u MDC ka Congress na Lyngkyrdem u Jansing Tynsong, u MDC ka Sohryngkham won u Pyniaid S. Syiem da chong ki cha ka liang synchaar ka PDF wei i em bru ha ka liang pyrchah da duna bha i hapoh ka KHADC.

I wanrah ya kani ka NC da u Adelbert toh hajrong i wym chimkhia ka EC wa katni wow kylla ya ka AD Rule 128 wow khanglaad ya ki baar jylla wow chimbynta ki haka election ki Autonomous District Council.

Neiliang u Chongknor hadien wa dadep wow yañia yeini waroh ki phang da elaad u ya u MDC ka KHNAM wow wanrah ya ka phang yañia hajrong ka AD Rule 128, wei hapyrdi ini u Adelbert da yaam u syndet syndet heiwa da pynsñiaw u yei mynsien wa khia lada ka KHADC ymye ko wow pynkylla ya kani ka aiñ.