Chah tooh T. 25 Lak ka poisa ka SBI wa em ha West Garo Hills

Tura: Ynne ka sngi heipor kam 11:15 i step uwa kreh ka SBI Gambegre Branch u Richard H.M. Marak da pyntip u cha ka Tura Police Station wa ka poisa wa T. 25,00,000 ka yong ka bank da chah tooh ko napoh ka kari u wa em ya u Number MLO8B-2526.

Da pyntip u wa heipor wa kylliang chaka u ha khmat Post Office, Tura wei hadien ini da chem u wa ki 2 tylli ki muna wa thap poisa wa em hapoh kari u da wiar ki.

Hadien ini da em ki bru wa pyntip wa da yoo ki ya 2 ngut ki bru wa yah da ka thuk thuk (Bajaj Pulsar) rong yong kiwa kit ar tylli ki muna wei da lai ki cha liang Tura Super Market.

U SP Tura hadien wa yoh yutip u chapang ini da phah bru wow li kem ya kani ka thuk thuk wei da phah yutip leh cha waroh ki Police Station yow yang ya kini kiwa tooh hadooh ki pulit ka Assam heiwa uwi u bru toh uwa sap T-Shirt rong suiñ bneiñ katwa uwi won toh uwa sap T-Shirt rong yong kiwa kit 2 tylli ki muna.

Related posts

Khlaad noh ka Kong Nitaboris Biam

November 9, 2024

Sñiawkhia u Andrew Shullai ya i tlot i rukom pynmih poisa ka JHADC

November 7, 2024

Hadien ka takit wa bniah da chem won ya kini ki bru na kawi ka lieñ kit paidbah kawa lai na Phulbari cha Dhubri heipor wa em ki ha pyrdi ka wah Jhinjiram heipor wa em ki heiliang ka jylla Meghalaya.

Da chem na kini ki ar ngut T. 25,00,000, 2 tylli ki Mobile Phone wei da chem leh ya ka thuk thuk wa em Number No. AS01-DE-9083 heiwa kiwa chah kem toh u Anurag Singh (27 snem) uwa na lslampur, West Bengal katwa uwi won toh uwa dang hapoh 18 snem.

Ka takit dang lai ko cha khmat yow chemtre wa kiyi de wa emkti ha kani ka kaam.